人気ブログランキング | 話題のタグを見る
ブログトップ

「朝仁青年団」のつどい。

asani.exblog.jp

約束

どぉかどぉか。

すぃかまのくとぅだりょん。
ワンがうつらうつらし職場っち行じゃっとぅ,サモガリ・サモ兄ぬ「ちんに。」っち言しゃんちょ。

「ぬがかい?」っち思てぃ,サモ兄とまぁじんしベランダっち行じゃっとぅ,兄やかし言んしょたんわけ。
「作詞しくれらんかい。」



うりや半年ぶぇりむぇーのくとぅだりょん。
ワンむぇら「兄!名瀬ぬ青年団たむぅ作曲しくんしょらんかい。」っちお願いしゃんちょ!

うんくとぅば忘れらじ,律儀に曲ば作てぃくんしょたんわけ。
うん歌や,わきゃ青年団のあん「でっくま」「うらがん」「あさん」ぬ八月唄ばあぶてぃ,最後や六調しゅん段取りっちか。

八月唄ばまともに歌たんちや30分あまり時間のけーりゅんかなんアレンジしくんしょたんっちどぉ。

はげぇ~感心な兄っくゎー。肝ぎょらさっちば,くん兄の肝のくとぅじゃが。

わきゃ近々ふるきばりし作詞しゅんかなん,サモ氏提供ぬ曲,期待し待ちもれ!
by ktokuyam1 | 2008-02-06 17:26 | 色んな話題
<< 約束(翻訳) 朝仁の浜 >>